©2019 by Chicago Chin Baptist Church

ABOUT US

CCBC is a community of Christ followers from Chin State and all over the country of Burma (Myanmar). The church was founded with a few of Chin immigrants in July 2007 as a fellowship. 

 

It is our mission to exalt Jesus Christ as our Lord and Savior. It is our joy to gather together for God's glory. It is our desire to love and serve our next generation and also our neighbors. Come join us.

Senior Pastor: Van Lian Ceu

Email: vanlianceu75@gmail.com 

Chairperson: Maung San Aung

Email: sanaung2013@yahoo.com 

Secretary: Tluang Hnin CungThang

Email: tluanghnin6@gmail.com 

CCBC Thawhkehnak Tuanbia

               Pathian dawtnak thawngin Chicago, IL, USA Khualipi ah Chin mi kan rak phak hi May/15/2007 kum in kan phan. Malaysia in Chin mi kan rak phak hlan ah Pu Vung Za Thang innchungkhar le Pu San Aung an rak um cang. Anmah hruainak thawngin Rev. Dr. Biak Hlei Mang, MCCC (Myanmar Christian Church Of Metro Chicago) biakinn ah an kan pumhpi tawn. Anmah sin i zarh nga/ruk tluk kan i pumh hnu ah pumh um/kalnak kan rak i harh deuh caah Pu Sun Thang tthithruainak in July/4/2007 ni ah Pu David Tuan Hup, Pa Mang Bik, Pu Lal Luai, Pa Ngun Uk Thang hna tonnak an rak ngeihmi thawngin innpumh (Family pumhnak) thawk dingin hnatlaknak an rak ngei.

Innpumh (Family pumhnak) cu July/07/2007 ni thawk in Pu Mang Bik inn 1608 W. Sherwin Ave Apt#214, Chicago, IL 60626 ah kan rak thawk. Cu lio ah Chairman – Pa Mang Bik, Secretary – Pu Hrang Cin Tial hna an rak si. Mah lio mi hmasa hna cu mah hna hi an si:

  1. Pa Tak Aung

  2. Pu Sun Thang

  3. Pu Nawl Chum

  4. PaVanBiakLian

  5. Pa Hung Aung

  6. PaBawiUk

  7. Pa Van Lian

  8. PuLalLuai

  9. PuHrangCinTial

  10. Pa Van Thang

  11. Pu Van Tlung

  12. Pu An Thui

13. Pa Ngun Uk Thang 14. Pa Val Cung

15. Pu Sang Awr
16. Pu David Tuan Hup 17. Pa Rung Hnin Hmung

            Inn pumh (Family pumhnak) in Pa Mang Bik inn i thlanga tluk kan i pumh hnu ah December/13/2007 thawk in inncung 1608 W. Sherwin Ave Apt#704, Chicago, IL60626 Pu Ram Hnin inn ah Chicago Chin Christian Fellowship min put in pumhnak inn kan i tthial. Pathian thawngin minung zong kan karh deuh i pumhnak inn nih a kan tlum deuh lo caah Pu San Aung tawlrelnak thawngin Edgewater Presbyterian Church, 1020 W. Bryn Mawr Ave, Chicago, IL60660 ah February/3/2008 in kan i pumhnak kan tthial tthan.

           Pastor ngeilo in thla tamnawn kan um hnu ah Mipi hnatlaknak in Pastor Danny Bawi Thianhlun cu October/5/2008 in caantling Pastor ah kan lak. Chicago Chin Christian Fellowship min hman in caan saunawn kan kal hnu ah Mipi hnatlaknak in May/10/2009 thawk in Chicago Chin Baptist Church tiah min kan thlen.

           Edgewater Presbyterian Church ah thla zeimawzat kan i pumh hnu ah Pastor Danny Bawi Thianhlun tawlrelnak in First Free Evangelical Church, 5255 N. Ashland Ave, Chicago, IL60640 ah (Winter, 2010) pumhnak kan i tthial nawlh. Pastor Danny Bawi Thianhlun cu kumli le acheu a kan umpi hnu ah hmundang ah a kan tthialtak. Mah hnu in Pastor ngeilo in kum hnih hrawng kan um hnu ah Pastor Van Lian Ceu hi Youth Pastor in 1/1/2014 ni ah kan lak i Youth Pastor in kum 3 a tuan hnu ah 1/1/2018 ni thawk in Youth Pastor in Cantling Pastor ah kan lak. Pastor Van Lian Ceu youth pastor a tuan lio chung le Pastor Danny Bawi nih a kan thial tak lio ah hin sianginn a kai lio mi le Bawipa zanriah a kan pe lio mi Rev. Si Khaw nih August 2014- June 2015 tiang hi Church Pastor rian a rak kan tuan piak.

           Mipi hnatlaknak in Biakinn cawk ding hi biakhiahnak saunawn kan ngeih cang hnu ah Buiding Commette nih atu kan biakinn hi an rak chuahpi i zapi hnatlaknak in le Pathian zangfahnak thawngin (November/19/2018) ni ah Church aiawh in Pastor Van Lian Ceu, Pu San Aung, Pu Chan Hmun Thawng hna nih min thutpiaknak thawngin biakinn ngei kan si cang.